Алмазбек Атамбаевдин Башкы прокурору катары президент болгондон 2015-жылы 22-январга чейин шылтоо менен кылмышы жок адамдарга иш козгоп катуу резонанс туудурган. Алсак Камчыбек Ташиев, Садыр Жапаров, Акматбек Келдибеков, Нариман Түлеев, Урмат Аманбаева жана башка көп «саясий туткундарга» кылмыш ишин козгогон. Батукаевди бошотууда көрүнүктүү роль ойногон.

 2009- жылы  Салянова Юстиция министринин милдетин аткарып жатып, ал кездеги өкмөт башчысы Данияр Үсөновдун көрсөтмөсү менен «Кумтөрдүн» салыкка төлөй турган  1,5  миллиард сомун кечип жиберген документке кол койгон. 1,5 миллиард талаада жатыптырбы? Элге каршы жасаган мындай эмгеги үчүн 2010-жылы бийлик алмашкан соң Аида Салянова Юстиция министрин баса кучактайт. Иштей элек жатып эл кансырап жаткан учурда Аида Салянова бийлик алмаштырууну жалгыз жасагансып 2010-жылдын 28-июнунда Юстиция министрлигинин № 58 Буйругу менен сот тарабынан издөөдө жүргөн Алексей Елисеевке мыйзамсыз адвокаттык лицензияны узартып берген. Алексей Елисеев ЦАРИИ аркылуу кыргызды соруп 2010-жылы 7-апрелиндеги мамлекеттик төңкөрүштөн соң Латвияда Central Asja Consulting деген компаниясы менен Кыргызстанды соргонду улантып жаткан. Елисеев 2009-жылы Аида Салянова менен бирге «Кумтөрдүн» карыздарын жойгонго активдүү катышкан, ошондуктан Кыргызстандагы бизнесин сактап калуу үчүн ага кайрылган.

2014-жылы декабрда Атамбаев ага «Манас» орденин тагып, бир айдан соң 2005-жылы январда айдап жиберген. Ал «Ата-Мекен» партиясына кошула калып, коргоо тапкан. Башкы прокурор кезинде Атамбаевдин оң колу болуп жүргөн Аида Салянова Текебаевдин оң колуна айланган. 2017-жылы анын кылмышы далилденген, сыртка качып кетпеш үчүн көзөмөлгө алынган.

Азизбек КЕЛДИБЕКОВ, «NazarNews.kg»