Астрономдор бул окуяны көптөн бери күтүп жүрүшөт. Бул жолку Айдын толушу, Айдын тутулушу менен коштолот. Башкача айтканда Айдын бетин Жердин көлөкөсү тосуп калат. Айдын тутулушу 5-июнь түнкү 23.45 те башталып, максималдуу караңгыланышы 6-июнь түнкү 1.12 де болуп өтөт. Тутулуу толугу менен 03.04 тө бүтөт. Кызыккандар 23.45 тен баштап эле эшикке чыгып байкоо жүргүзсөңөр болот. 23.46 дан баштап Ай бир чекесинен акырындап карарып баштайт. Ай бир чекесинен кемирилип бараткандай сезим калтырат. (“Көп күтпөйм” дегендер түнкү саат 1 лерде чыгып карасаңар болот). Ал карарган так чоңоюп отуруп, Айдын бетинин дээрлик 50% пайызын караңгы кылып жаап калат. Айдын жарымы гана калат. Бул түнкү 1.12 ге туш келет.

Азизбек КЕЛДИБЕКОВ, NazarNews.kg