«Кыргызстандан чыгарылган миллиондордун изи» аттуу иликтөөнүн негизги каарманы жеке ишкер Айэркен Саймаитинин өлтүрүлгөнү кабарланды. Мындай маалыматты “Азаттык” Түркиянын басылмаларына шилтеме берүү менен жазып чыкты.

Маалыматка караганда, окуя 10-ноябрь кечке маал Стамбул шаарынын Фатих аймагындагы мейманканалардын биринде болгон. Анда Айэркен Саймаитини белгисиз адам атып кеткен. Ооруканага жеткизилген Саймаити алган жаракатынан каза тапкан.

Саймаити «Азаттык» быйыл май айынын соңунда жарыяланган «Кыргызстандан чыгарылган миллиондордун изи» аттуу иликтөөсүндө аты аталган. Анда 700 млн. доллардын тегерегиндеги каражат Айэркен Саймаити аттуу кытайлык жаран аркылуу бир нече жыл бою күмөндүү жолдор менен Кыргызстандан чыгарылып келгени айтылган.

Стамбул шаардык прокуратурасы Айэркен Саймаитиге куралдуу кол салуу боюнча кылмыш ишин козгоп, иликтөө иштерин жүргүзүүдө.

Кызыгы, жогорку маалымат тарары менен кыргызстандык Элнур Орозов‎ "Саймаитинин өлүмү боюнча АШАнын досу Ахмет Каяны тез арада суракка алыш керек!", деп Фейсбуктагы баракчасына жазып чыкты.

Булак: NazarNews.kg