“Биз, "Айгүл" гүлү гүлдөгөнүнө байланыштуу жергиликтүү тургундар атайын корукка алабыз. Кечээ, 18-апрелде Баткен областынын ыйгарым укуктуу өкүлү Бишкектен келген мейман үчүн корукка алынган “Айгүл” гүлүн жулуп алды”, - деген пикирин жергиликтүү тургун Азамат Жалалов билдирди.

“Негизи, аты аталган гүлдү тамыры менен же сындырып жулуп алууга болбойт. Анткени кызыл китепке киргизилген. Тилекке каршы гүлдү жулуп алганы аз келгенсип, кароолчуга баш иймек турсун кулак салган жок”, - дейт жергиликтүү тургун.

Эске сала кетсек,  “Айгүл” гүлүн жергиликтүү тургундар корукка алып карашат. Аталган гүл, таажылуу келип, узун жалбырактуу, кочкул кызыл, сары түстө. Жакшылап карасаң гүлдүн ичинен шүүдүрүм тамчыларды байкоого болот. Жергиликтүү калк, сүйкөн эки жаштын көз жашы деп айтышат. Таштуу жерлерде өсүп, тамыры терең жайгашат.

Айгүл гүлү жыл сайын апрель айынын орто ченинде ачылып, май айынын орто ченине чейин гүлдөйт. Башка гүлдөрдөн айырмаланып анын гүлдөгөн мезгили да 20-25 күндү өзүнө  камтыйт. Анын дагы бир айырмачылыгы боюнун бийиктиги 1-1,5 мге чейин жана тоонун күнгөй эмес тескей капталында өсөт.

Илимий тил менен алганда "Петимум Эдуарда" же орусча "Рябчик Эдуарда" деп аталат. Учурда Айгүл тоосу корукка алынып, андагы гуInsert non-formatted text hereл СССРдин "кызыл китебине" 1978-жылы киргизилген. "Айгүл" гүлү Баткен областынын Кара-Булак кыштагында өсөт.

Булак: NasarNews.kg