Жаз мезгилинин келиши менен адамзат өзүнө өзгөчө көңүл буруп калат эмес. Мындай учурда бизге жардамга сөзсүз өз ишин билген мыкты кесипкөй инсандар жардамга келет. Бул ирет биз стилист-калорист Айпери Эрматова менен бул жылдагы модалуу чач жасалгалар тууралуу сөз кылмакчыбыз.

- Айпери, сулуулук жаатында эмгектенүү үчүн сөзсүз билим алуу керекпи же тажрыйба эле жетиштүүбү?

- Билим алуу сөзсүз керек. Бирок, көп жылдык тажрыйба да аша чаппайт. Мен билим алып, андан соң көп жыл практика жүзүндө иш алып барып өзүмдү өстүрдүм.

- Кардарларыңдын көпчүлүгү кыргыз элине таанымал жылдыздар экени бизге белгилүү. Айымдар менен мырзаларды тейлөөдө кандай айырмачылыктар бар? Окшоштуктар барбы?

- Өтө чоң айырмачылык бар деп айта албайм. Себеби, айымдардын жана мырзалардын да чач жасалгаларын жасай берем. Болгону чач түзүлүштө, чач жасалгалар гана башкача болот. Ал эми калган техника бирдей эле.  

- Кайсы жылдыздар сенин сүйүктүү кардарларыңа айлана алышты?

- Нурлан Насип, Данияр Эрматов, Нурмат Садыров, Аскат Мусабеков, Дайыр Исмадияров, Элзар Сыдыков, Роза Шакирова, Айгүл Чалова, Алмаз Шаадаев ж.б аттарын атасам абдан көп.

- 2017-жылы кандай чач жасалга модада?

- Азыркы тапта өзүңүздөр байкагандай эле кыска кыркылган чач жасалгаларга көңүл буруп жатабыз. Себеби, бул жылы мына ушундай чач жасалгалар модада. Алардын аттарын атай кетсем, мырзалардыкы: креативдүү, айымдардыкы: голливуд чач жасалгаларын айтсак болот.

- Чач жасалгалардын түстөрү тууралуу айта кетсең?

- 2017- жылы ачык түстөгү чач жасалгаларга басым жасашыбыз керек. Мисалы, розовый, фиолетовый, ачык көк, жашыл, сары түстөргө боёп жүрсөңүздөр бул жылдын эң стилдүү адамдарына айлана аласыздар!

Булак: NazarNews.kg