Кечээ, 8-ноябрда АКШдагы орто мөөнөттүү шайлоонун алгачкы жыйынтыктары Өкүлдөр палатасы үчүн күрөштө республикачылардын ийгилигин көрсөтүп турат. Бирок Сенаттын тагдыры азырынча ачыктала элек.

Белгиленгендей, азыркы шайлоодо Эл өкүлдөр палатасынын бүт курамы, башкача айтканда, 435 мүчө шайланат. Аны башкаруу үчүн 218 орун керек. «Нью-Йорк тайме» газетасы шайлоонун алгачкы жыйынтыктарына таянып, республикачылар конгресстин өкүлдөр палатасында кеминде 157 орунга, ал эми демократтар 188 орунга ээ болушту деп жазат. Демократтар салттуу күчтүү аймактарда, анын ичинде Батыш Жээк менен Калифорнияда жеңишке жетишти.

Өкүлдөр палатасында белгилүү бир тенденция байкалса, анда Сенат менен кырдаал толук белгисиз бойдон калууда. Эки маанилүү штатта - Аризона менен Пенсильванияда Сенатка шайлоодо демократтар алдыда. Грузияда адегенде Демократиялык партиянын талапкери Рафаэль Уорнок алдыга чыкты, андан кийин республикачылардын талапкери алдыга чыкты. Уорнок менен республикачыл талапкер Гершель Уокердин ортосундагы ажырым 1 пайыздан азыраак.

Маалымат каражаттарынын болжолдоосуна караганда, демократтар Колорадо штатында Сенаттагы орун үчүн ат салышууда. Мындан тышкары, алар Висконсинде утуп алуу мүмкүнчүлүгүн сактап калышты. Бул жерде социологдор республикачыларга артыкчылык беришти. Дагы бир маанилүү штат Пенсильванияда демократ Жон Феттерман дагы эле 52 пайыз добуш менен алдыда келе жатат, бирок республикачы Мехмет Оз айырмачылыкты жоюуда. Учурда алардын ортосундагы болжолдуу айырма 5 пайызды түзөт.

Жыйынтык: Американын эки алдыңкы партияларынын тең Сенатты көзөмөлдөө мүмкүнчүлүгү бар.

Булак: NazarNews.kg