АКШ Россияга каршы жаңы экспорттук чектөөлөрдү киргизди. Жаңы санкцияга дуушар болгон компаниялардын ичинде Армения менен Кыргызстандын да ишканалары бар экени белгилүү болгон.

Тактап айтканда, Армениянын «Medisar» менен Кыргызстандын «Tro.Ya» компаниялары Россия менен байланышы бар деп табылган. «Medisar» — химия өнөр жайынын товарларын экспорттоо менен алектенет. Ал эми кыргызстандык «Tro.Ya» — өндүрүш компанияларын жабдуулар менен камсыздайт.

Кыргызстандын Юстиция министрлигинин маалыматы боюнча, «Tro.Ya» юридикалык консалтинг компаниясы» жоопкерчилиги чектелген коомунун негиздөөчүсү жана жетекчиси катары Хилоу Насер Исхарович көрсөтүлгөн.

Булак: NazarNews.kg