Бишкекте милиция көргөзмөнүн уюштуруучусу Эрик Абдыкалыковду кармады. Бул тууралуу ал өзүнүн Twitter баракчасына жазды.

Активист улут аралык кастыкты козутуу фактысы боюнча борбор калаанын милиция бөлүмүнө жеткирилгенин белгиледи.

«Мен адвокат күтүп жатам. Чындык бизде!" — деп жазган Эрик Абдыкалыков.

Белгилей кетсек, сөз 22-сентябрдагы Твиттердеги пост жөнүндө болуп жатат. Активист футбол күйөрмандарын Орусия курама командасынын беттешин Баткенде каза болгондорду бир мүнөт унчукпай туруу менен баштоого чакырган.

«Согушка жол жок!» жана "Украинага данк!", -  деп кыйкырса сонун болмок. Футбол дүйнөсү биз аскердик агрессорлорго жана диктаторлорго каршы экенибизди билсин», - деп баса белгилеген ал.

Бишкек шаардык ички иштер башкармалыгы сүрөтчүнүн кармалышы боюнча комментарий бере элек.

Булак: NazarNews.kg