Ала-Бука районунда 5 жашар кызды алдап, ага ыплас иш-аракеттерди жасаган деген шек менен 40 жаштагы жаран кармалды. Бул тууралуу Жалал-Абад облустук ички иштер башкармалыгынын басма сөз кызматынан билдиришти.

Маалыматка ылайык, милицияга 32 жаштагы жаран арыз менен кайрылган. Арызында ал 13-июль күнү саат 16:00 чамасында 5 жашар кызына белгисиз жаран балмуздак жана шириндиктерди алып берип, жакын жерде жайгашкан бакка ээрчитип кирип, ыплас аракеттерди жасагандыгын билдирген.

Бул факты боюнча дароо кылмыш иши козголуп, жүргүзүлгөн ыкчам иликтөө иш-чаралардын натыйжасында Ала-Бука районунун 40 жаштагы тургуну К.Н. кармалган.

Шектүү убактылуу кармоочу жайга киргизилди. Учурда кылмыш иши боюнча тергөө амалдары жүргүзүлүп жатат. 

Булак: NazarNews.kg