Казакстандын Улуттук коопсуздук комитетинин (КНБ) Авиация кызматынын Ан-26 учагынын кыйрашынан аман калган эки аскер кызматкерине операция жасалып, оор абалда реанимацияда жатат, деп билдирди Алма-Ата саламаттыкты сактоо департаментинин басма сөз кызматы.

«Бейтаптарга операция жасалды, абалы туруктуу оор, реанимацияда», -  деди шаардык саламаттыкты сактоо департаментинин өкүлү.

Ошондой эле, ал жабыркагандардын өмүрүн сактап калуу үчүн «мүмкүн болгон бардык нерсе» жасалып жаткандыгын кошумчалады.

Белгилей кетсек, учак 13-март күнү кечинде Алматы аэропортуна конуп жатканда кулап түшкөн. Маалыматка ылайык, учактагы алты кишинин төртөө көз жумду, экөө күйүк жана сыныктар менен ооруканага жеткирилген.

Өз кезегинде Казакстандын президенти Касым-Жомарт Токаев учак кырсыгынын себептерин иликтөөнү тапшырды.

Булак: NazarNews.kg