Алматы шаары коронавирустун жайылышы боюнча сары зонага киргендиктен чараларды күчөтүү боюнча токтомду жарыяланды. Бул тууралуу Sputnik Казакстан агенттиги жазды.

Документте эл көп жүргөн жабык жайларда бет кап тагынуу сунушталган.

Кошумчалай кетсек, коңшу Казакстанда да коронавирус жуктургандардын саны көбөйүүдө.

Белгилей кетсек, дүйнөдөгү бир нече өлкөдө коронавирустун жаңы толкуну башталды. Бул "омикрон" штаммынын кезектеги мутациясы менен байланыштуу.

Эске салсак, коронавирус жуктургандар Кыргызстанда да көбөйүп жатканы айтылып, ооруканага түшкөндөр бар экени белгиленген.

Буга байланыштуу Республикалык штаб коронавирус жуктурган жаңы учурлар боюнча күнүмдүк статистика кайрадан бериле баштай турганын маалымдады.

Булак: NazarNews.kg