Индия 2023-жылы Кытайды басып өтүп, дүйнөдөгү эң көп калктуу өлкө болот. Учурда Кытайда 1,426 млрд, Индияда 1,412 млрд адам жашайт. Ал эми 2050- жылга карата Индиянын калкы 1,668 миллиардга жетип, Кытайдын калкы болгону 1,317 млрд болот деп болжолдонууда. Бул тууралуу Бүткүл дүйнөлүк калк күнүндө жасалган БУУнун баяндамасында айтылат.

Үстүбүздөгү жылдын 15-ноябрына карата 8 миллиардга жете турган дүйнө калкынын саны 2030-жылы 8,5 миллиардга, 2100-жылы 10,4 миллиардга чейин өсүшү мүмкүн.

Бул өлүмдүн саны азайганы менен байланыштуу. Он жылда бир жолу өткөрүлүүчү ички эл каттоонун жыйынтыгында, Индиянын калкы 2011-жылы 1,21 миллиардды түзгөн.

Өкмөт COVID-19 пандемиясынан улам 2021- жылдагы эл каттоону кийинкиге калтырган. БУУнун маалыматы боюнча, 2050-жылга карата өсөт деп болжолдонгон дүйнөдөгү калктын көбү 8 өлкөдө — Конго, Египет, Эфиопия, Индия, Нигерия, Пакистан, Филиппин жана Танзания Бириккен Республикасында байкалат.

Африка 2050-жылга чейин күтүлгөн өсүштүн жарымынан көбүн түзөрү күтүлүүдө.

Булак: NazarNews.kg