Алп жазуучу Түгөлбай Сыдыкбековдун 15 томдугу чыкты

Журналист: АЙСУЛУУ ТАЛАНТ

13.04.2023, 10:38

19337

коом

Кечээ, 12-апрелде Алыкул Осмонов атындагы Улуттук китепканада Кыргыз Республикасынын Баатыры, Кыргыз эл жазуучусу Түгөлбай Сыдыкбековдун чыгармаларынын 15 томдугунун бет ачаар иш-чарасы болуп өттү. Томдуктарды Маданият, маалымат, спорт жана жаштар саясаты министрлиги, Китеп палатасы биригип даярдап чыгарган. Мындай жакшы саамалык чынында алкоого арзырлык иш десек жарашат.

Өлкө башчылары ооз толтуруп 30 жылда мындай болгон эмес деп калышат го. Жазуучулар союзунун төрагасы Нурлан Калыбеков ага эки жыл кошуп "32 жылдан бери мындай боло элек болчу" дегенинде чындык бар.

Андыктан, адабияттагы көөнөрбөс мурас болчу алп жазуучу Түгөлбай Сыдыкбековдун 15 томдук чыгармалар жыйнагына дээрлик баардык аңгемелери, повесттери, романдары, эскерүүлөрү кирген. 15 томдуктун баасы 7500 сом экени айтылды. Томдуктар ар бири 952 нуска менен чыккан.

Албетте, алп жазуучунун томдуктары аз нуска менен чыккандыктан калың калктын катмарына жетпейт. Андыктан, нускасын көбөйтүп, улам чыгарып туруу зарыл. Бул багыттагы ишти мамлекет өзү колго алып, өрнөк көрсөтүп, андан тышкары жеке демөөрчү боло турган ишкерлерди да тартуу керек.

Булак: NazarNews.kg