Илгери бир жолу Чындык менен Жалган жолугушуп калышкан экен. Жалган «бүгүн күн жакшы болуп турат» деп Чындык менен учурашыптыр. Чындык асманды карап айланасына көз чаптырып чын эле бүгүн жакшы күн экендигине ишенет экен. Алар чоң кудукка чейин чогуу барышат. Жалган колун сууга салып, «жагымдуу жана жылуу экен, эгерде кааласаңыз чогуу чөмүнсөк да болот» деп Чындыкка кайрылыптыр. Чындык дагы шекшип калыптыр да колун сууга салып көрсө жагымдуу экени анык экен. Алар чогуу чөмүнүшүп жатышканда, Жалган кокустан эле суудан чыгып Чындыктын бүт кийимдерин кийип, көздөн кайып болуптур. Чындык ачууланып, жылаңач эле чыга калып, өзүнүн кийимдерин алуу үчүн ары бери чуркап Жалганды издей баштайт. Аны жылаңач көргөндөр уялышып, жиндене башташат. Чындык бечара уялганынан кудукка келет да дайынсыз жоголот. Ошондон бери Жалган Чындыктын кийимин кийип алып, дүйнө кыдырып, элдердин күнүмдүк талаптарды аткарып саякаттап жүрө турган болуп калыптыр да, эч ким жылаңач Чындыкты көргүсү келбей жүрөт экен.

Жан-Леон Жером, 1896-жыл.

Булак: NazarNews.kg