«Эр Төштүк» деген эпосубуз бар эмеспи. Ошондо жел менен жарышкан желтаман Куюн Маамыт деген бар. Ал жомокто эле жашайт десек, андай эмес экен. Ушу биздин күндө да «куюн маамыттар» бар тура. КСДП партиясынын депутаты Анвар Артыков жөө басканды өлө жакшы көрөт.

Чексиз кыялга бата, колду аркага алып коюп, бош убактысы боло калса эле жөө-жалаңдай, желип-жортуп жөнөмөйү бар. Ошто губерна­тор кезинде да айрым учурда артынан кызматтык машинасын кылдырата ээрчитип коюп, жол таптамай күндөрүн эскерип калышат. Жөө баскандан эзели чарчабайм дейт. Анвар аканын таманына тапталбаган кайсы гана жолдор калды экен ээ.

Булак: Де-факто