Америкалык технология гиганты Apple орусиялык кызматкерлерин Кыргызстанга көчүрдү, деп жазат «Ведомости».

Басылманын маектешинин айтымында, Apple компаниясынын россиялык кызматкерлерин көчүрүү ушул жылдын жаз айларында пландалган. Ошол эле учурда технологиялык гиганттын Орусиядагы филиалынын топ-менеджменти Дубайга жана Лондонго көчүп, катардагы кызматкерлерди Кыргызстанга көчүрүү чечими кабыл алынган.Apple компаниясынын өкмөттүк байланыштар бөлүмүнүн азыркы жетекчиси Назим Турдумамбетов да ушул өлкөдөн болуп, буга чейин башка чет элдик Philips компаниясында ушундай кызматты аркалаган.

Орусиянын Украинага толук масштабдуу басып кирүүсү башталгандан кийин бир катар ири чет элдик компаниялар өз кызматкерлерин башка жерге көчүрө башташты. Huawei өз кызматкерлерин жайгаштыруу үчүн Казакстан менен Өзбекстанды тандап алган, ал эми Google өз кызматкерлерин Дубайга көчүрүүнү каалады, бирок басылма белгилегендей, алар БАЭге көчүүдөн баш тартышкан «климат жана алыстыктан улам».

Apple re:Store дүкөндөрү Москвада 2-марттан тарта ишин токтотту. Apple ошондой эле Орусиядагы расмий интернет дүкөнүндө жабдууларды сатууну токтотту. Apple Орусияда онлайн сатуулар токтоп турганын тастыктады, ошондой эле өлкөдө Apple Pay "жана башка кызматтарды" чектөөнү жарыялады. Компания ошондой эле Россиянын чегинен тышкары App Store дүкөнүндө Sputnik жана RT тиркемелерине бөгөт коюуну жарыялады.

Чечим Украинанын басып киришине байланыштуу Орусияга каршы санкциялардын фонунда кабыл алынды.

21-сентябрда Кремль Украинага каршы согушка элди мобилизациялоону жарыялагандан кийин жүз миңдеген орусиялыктар чет өлкөлөргө, анын ичинде Борбор Азия өлкөлөрүнө качышты.

Булак: NazarNews.kg