Армениянын Коргоо министрлиги 20-сентябрда жергиликтүү убакыт боюнча саат 22:50 чамасында Азербайжандын куралдуу күчтөрүнүн бөлүктөрү Гегаркуник районундагы Сотк конушунун аймагындагы армяндардын позицияларына ок чыгарганын билдирди. Азербайжандын Коргоо министрлиги айыптоолорду четке кагып, аткылоо тууралуу маалыматты жалган деп атады.

Сотк айылы Армениянын Азербайжан менен чек арасынан 5 чакырым алыстыкта ​, Тоолуу Карабахтан ондогон чакырым алыстыкта ​​жайгашкан.

20-сентябрда саат 13:00дө Тоолуу Карабахта ок атышуу токтогон. Азербайжандын Коргоо министрлиги “антитеррордук операция” токтотулганын жарыялаган. Тоолуу Карабах армиясы өз кезегинде куралды таштоо жана ок атышууну бир тараптуу токтотуу чечимин кабарлаган.

19-сентябрда Азербайжан “жергиликтүү мүнөздөгү антитеррордук иш-чараларын” баштаганын жарыялаган. Бул Тоолуу Карабахтагы Конституциялык түзүмдү калыбына келтирүү үчүн жасалганын айткан. Ага Армения тарап да жооп берип, кагылыш болгон. Россия бул кырдаалга кайдыгер карабай турганын айтып, эки тарапты чатакты тынчтык жана дипломатия жолу менен чечүүгө чакырган. Бир күндөн кийин тараптар таанылбаган республиканын армиясын жоюу шарты менен ок атышууну токтотууну макулдашкан.

Армениянын премьер-министри Никол Пашинян Азербайжандын максаты Ереванды согуштук аракеттерге тартуу экенин билдирген. Армениянын бийлиги Тоолуу Карабахка эч кандай жардам көрсөткөн эмес.

Булак: NazarNews.kg