www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстандагы шоу-бизнестин өкүлдөрү акыркы убактарда киреше табуунун ар кыл жолдоруна түшүп, көбүн эсе кыялдарын ооздуктай албай дагы калды көрүнөт. Айтсак, Нурлан Насип аттуу ырчы жигиттин Асел Кадырбекова аттуу жубайы бар. Гезит-журналдардын, шоу-бизнес басылмаларынын санынан түшкүсү келбей, кайра-кайра обу жок хайптарды жарата бергенди жакшы көрөт окшойт.
Мунусунда ал Инстаграм баракчасына жаңы гив (Instagram баракчасынан белектерди ойнотуу) жүктөп, коомчулуктун нааразычылыгын жаратууда. Себеби, ал белектерди ойнотуу боюнча жарнамалык материалына жаныбарларды колдонгон.
Анда оозу бекем байланган аюу, бети-башы боелгон маймыл жана крокодилди көрүүгө болот. Муну менен Асел айым эмнени түшүндүргүсү келген али белгисиз, бирок жакында Австралиядагы өрттөн 1 миллиардга жакын жан-жаныбарлар кырылып, дүйнө коомчулугу аларга аза күтүп жаткандыгын эске алганда, анын бул кадамы мактоого арзыбай тургандыгы бышык.
Анын үстүнө кийинки убактарда дүйнөнүн бир топ өлкөлөрүндө жан-жаныбарларды адамдын зомбулугунан коргоо максатында цирк көргөзмөлөрү жоюлуп, жаныбарлар эркиндикке, улуттук парктарга кое берилип жаткандыгын белгилеп кетүү зарыл.
Булак: Nazarnews.kg
< Предыдущий
Следующий >
Последние новости
