Футбол боюнча Кыргызстандын курама командасынын капитаны Валерий Кичин үйлөнүп жатканына байланыштуу Тажикстан курамасы менен болгон беттешке катыша албаганы белгилүү болду.

Минск шаарынын “Динамо” командасынын оюнчусу бүгүн өзүнүн Инстаграм баракчасына үйлөнүү тоюнан сүрөт жүктөдү. Тажикстанга каршы чыга турган Кыргызстандын курамасынын тизмесинде Кичин жок болчу, аны Футбол федерациясы Кичин үй-бүлөлүк себептерден улам курамга чакырылбагандыгы менен түшүндүргөн.

Буга чейин Кичин футболчуларга жана күйөрмандарына кайрылып, калган оюндарга сөзсүз катышарын айткан. Булак: "NazarNews.kg"