www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жол кыймылынын коопсуздугун камсыздоо башкы башкармалыгы оң рулдуу автоунаа менен такси кызматын көрсөтүүгө тыюу салууну көздөп жатат. Ал башкармалыктын башчысы Азамат Исраилов билдиргендей, тиешелүү мыйзам долбоору даярдалууда.
"Оң рулдуу автоунааларды таксиге киргизбешибиз керек. Мыйзам долбоорун даярдап жатабыз. Ага ылайык, маршруткалар сыяктуу эле таксилер да лицензия алышы зарыл", — деди ал.
Кыргызстанда оң рулдуу автоунааларды коммерциялык максатта колдонууга тыюу салган мыйзам бар. Ал 2013-жылы кабыл алынып, 2016-жылдын 1-январынан тартып күчүнө кирген. Андан кийин айрым депутаттар Ички иштер министрлигинде документтин аткарылышын көзөмөлдөө механизмдери жок болгондугуна байланыштуу аны жокко чыгарууну сунушташкан.
Сөз болуп жаткан автоунааларды таксиде пайдаланууга тыюу салуу маселеси 2018-жылдан тарта көтөрүлүп, бирок парламентарийлер бул сунушту жактырган эмес. Андан тышкары, таксисттер өздөрү да митингге чыгып, жумушсуз каларын, такси паркында машиналар азаярын айтышкан. 2017-жылы тыюу салууну 2020-жылдан тарта күчүнө киргизе турган мыйзамга кол коюлган.
Анткен менен 2019-жылы Жогорку Кеңеште 2025-жылга чейин жылдыруу маселеси көтөрүлүп, министрлер кабинети бул идеяны колдогон.
Булак: NazarNews.kg
< Предыдущий
Последние новости
