Америкада 300 миллионго жакын калк жашайт. Мунун барына кантип жер алдында бункер-шаар куруп бере алат, ошондуктан бир бункер –шаар курар, анан алаамат же ядролук согуш башталып кетсе, бул жер алдындагы бункер –шаарга кирүү үчүн, ал жердин баасы асмандап кетер. Ким жанынан аясын, айрыкча бай Америкада миллион доллардан бергиле десе деле  миллиондогон адам табылар. Ядролук согуш баштала турган болсо, орусиялыктардын болжолу менен алгач америкалыктар Москваны эсине келтириш үчүн Сибирге же эл аз жайгашкан жерлерге атом бомбасын таштайт. Андан соң Крымга жана Украинадагы согушуп жаткан орусмялык аскерлерге, ага болбой калса Москваны атом менен бомбалай баштайт дешет. Орустар жөн жатмак беле, күчтүү ядролук куралдары менен алар деле кем калбай Европаны, Американы жанчып кирет. Азыр АКШ ошолордон сестенип Орусияга түз согуш ача албай, Украина менен ортомчу болуп түздөн-түз  согушка кирген жок.

АКШ Орусия тарабынан ыктымал ядролук курал колдонушу мүмкүн деген атайын план иштеп чыкты. Бул тууралуу АКШнын мамлекеттик катчысы Энтони Блинкен CBS телеканалына берген маегинде билдирди.Ошол эле учурда, анын айтымында, Вашингтон Украинанын айланасындагы кырдаал азыркы жаңжалды кеңейтүүгө алып келбешин камсыз кылууну көздөйт.

«Бизде план бар», - деди Блинкен, Орусия Федерациясы ядролук куралды колдонсо, Кошмо Штаттардын кандайдыр бир планы барбы деген суроого комментарий берип жатып. Американын президенти Джо Байдендин алдында Орусияны гипотетикалык түрдө ядролук курал колдонсо деп коркуткан. «Бул согуштун жүзүн Экинчи дүйнөлүк согуштан берки эч нерседей өзгөртөт», - деди ал.

Ал эми Орусиянын позициясына келсек, Орусиянын президенти Владимир Путин ядролук согуш эч качан башталбашы керек, анткени анда жеңүүчү боло албайт деп билдирген. Орусия керек болсо Украинадагы жаңжалда ядролук курал колдонууга укуктуу. Тиешелүү билдирүүнү Орусия Федерациясынын Коопсуздук кеңешинин төрагасынын орун басары Дмитрий Медведев өзүнүн телеграм-каналында жакында билдирди.

Ошол эле учурда саясатчы мындай чечимди кабыл алуу мүмкүнчүлүгүнүн бардык учурлары мамлекет кармана турган ядролук куралды токтотуу чөйрөсүндөгү мамлекеттик саясаттын негиздеринде жазылганын белгиледи. Тактап айтканда, документ массалык кыргын салуучу куралды өлкөгө каршы колдонулган кырдаалдарда же мамлекеттин өзүнүн жашоосуна коркунуч туудурган учурларда колдонууга уруксат берет, деп кошумчалады Орусиянын Коопсуздук кеңешинин төрагасынын орун басары.

KP.RU сайты мурда жазгандай, Дмитрий Медведев Орусия өз аймагын кандай гана курал менен болбосун, анын ичинде өзөктүк курал менен да коргой турганын айткан. Саясатчы бул референдумдун жыйынтыгы боюнча өлкөгө кошула турган аймактарга да тиешелүү экенин белгиледи.Орусия Федерациясынын Коопсуздук кеңешинин төрагасынын орун басары Орусиянын «Сармат» континенттер аралык баллистикалык ракетасы Европада да, АКШда да каалаган максаттарды ишке ашырууга жөндөмдүү экенин кошумчалады.

Экономикалык кызматташтык жана өнүгүү уюму билдиргендей, Орусиянын Украинага кол салышынын дүйнө экономикасына тийгизген кедергиси күтүлгөндөн да оор болот: «Энергетикалык жана азык-түлүк базарларына катуу сокку урулду. Инфляция кескин жогорулады, ал эми глобалдык экономикалык өсүш жайлады. Дүйнө Орусиянын Украинага каршы агрессиясы үчүн жогору баа төлөп жатат»,-деди уюмдун баш катчысы Матиас Корманн.

Мурда уюм 2023-жылы глобалдык өсүү 2,8% өсөт деп боолголосо, азыр бул көрсөткүч 2,2% төмөндөдү. 26-сентябрда жарык көргөн баяндамага ылайык, айрым мамлекеттерде быйылкы инфляциянын көрсөткүчү 1980-жылдардан берки эң жогорку чекке жеткен. Матиас Корманндын айтымында, 2023-жылы «Чоң жыйырмага» кирген кубаттуу мамлекеттерде инфляция 6,6% болот деп боолголонууда.

Азизбек КЕЛДИБЕКОВ, NazarNews.kg