Жакынкы күндөрү Вашингтон Украинага курал-жарак, анын ичинде ракетадан коргонуу системалары жаатында 800 миллион долларлык кошумча жардам берерин жарыялайт. Бул тууралуу АКШнын президенти Жо Байден НАТОнун Мадриддеги саммитинин жыйынтыгы боюнча маалымат жыйынында билдирди.

Байден: "Биз Украинаны канча убакыт талап кылса, ошончолук колдойбуз" деди.

Америкалык лидердин айтымында, Орусия коңшу өлкөнүн аймагына кол салганы үчүн кесепети кымбатка турат жана согуш Украинанын жеңилүүсү менен бүтпөйт.

Байден ошондой эле согуштун Орусияга тийгизген таасирине көңүл бурду: өлкө 15 жылдык экономикалык жетишкендиктерин жоготту, мунай өндүрүүдө кыйынчылыктарды башынан өткөрүүдө, анткени санкциялардан улам бир катар технологиялар Москвага жетпей калды.

«Украина Орусияга катуу сокку урду – Орусия эл аралык позициясын эчак эле жоготту. Орусияны бүткүл дүйнө карап, “Силер бүтүндөй өлкөнү басып алууга аракет кылдыңар, Киевди алайын деп аракет кылдыңар, утулдуңар. Силер Донбассты басып алууга аракет кылып, аны дагы кыла алган жоксуңар”, - деген абалда турат.

Байден Орусиянын президенти Владимир Путинди согуш баштала электе эле: "Эгер ал Украинага басып кирсе, НАТО күчтөнүп эле тим болбостон, биримдикке да айланат", - деп эскерткенин айтты.

«Путин биздин альянсты ыдыратат деп ойлоду. Ал бизди алсыратат, союз алсырайт деп ойлоду. Ал НАТОну финлештирүүгө жетишем деп ойлогон, бирок Финляндияны улутташтырууга жетишти ”, - деди Байден.

Ал НАТОнун чек аралары Швеция менен Финляндиянын альянсына чакыруудан улам 800 мильге кеңейгенин кошумчалады.

Булак: NazarNews.kg