Кыргызстанда бала бакча маселеси курч. Алардын жарымынан көбү толуп калган, ал эми баланы бакчага берүү үчүн кезектин жетиши азап экенин ата-энелер айтып келишет. 

JIA бизнес-ассоциациясынын юристи Бакыт Сартмаметов бакча ачуу үчүн лицензия алуу оңойго турбасын тастыктады. Анын айтымында, регионалдык билим берүү башкармалыктары болгонуна карабай, бала бакча ачууда ишкерлер уставды бекитүү үчүн Бишкекке барууга аргасыз.

"Эгер документтерде кандайдыр бир жетишпестиктер болсо министрлик артка кайтарат. Ошентип отуруп бул нерсе кайра эле бюрократияга айланат. Чын-чынына келгенде көпчүлүгү акча берип, министрлик менен сүйлөшүп, белгилүү бир сумма менен жумушту бүтүрүүгө аргасыз", - деп түшүндүрдү ал.

Булак: NazarNews.kg