Акылбек Жапаров ар кандай фонддорду ачып, бюджеттик акчаны өзү каалагандай калчап жатат. Бул тууралуу депутат Балбак Түлөбаев Жогорку Кеңештин жыйынында билдирди.

«Бизге мактап жатып, «Улуу көчмөндөр мурасын» алып келди. Эмне болду? Эми «Кыргыз индустриясын» алып келип жатат. Ал кандай? Мамлекетке логистикалык фирманын эмне кереги бар, мык чыгарган фирманын эмне кереги бар. Ошол миллиард сомду кичи бизнеске насыя берип койсо, мыкты чыгарат эле да»,- деди ал.

Эскерте кетсек, буга чейин: "Күзүндө өкмөттүн кандай иштегенин көрөбүз. Ачык айтып коёюн, мен азыр ойлонуп жатам. Акылбек Үсөнбековичтин реформаларына кандай баа беребиз? Эки жыл болду, жылыш жок. Иштесе иштеп, тартипке келсе келсин да, болбосо жыйыштыргыла", - деп сынга алган.

Булак: NazarNews.kg