www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жогорку Кеңештин депутаты Балбак Түлөбаев жалпы жыйында президенттин жана министрлер кабинетинин парламенттеги өкүлү Алмасбек Абытовго таарынып залдан чыгып кетти.
Бүгүн жыйын башталары менен 22-июнда каралган мыйзам долбоорлоруна добуш берилди. Анда жарандар чогулткан байлыгын ачык көрсөтсө кылмыш жоопкерчилигинен бошотуу тууралуу долбоор дагы бар эле. Буга каршы болгон "Бүтүн Кыргызстан" фракциясынын депутаттары Адахан Мадумаров менен Исхак Масалиев добуш бербей койду.
Мындан улам Абытов аталган мыйзам долбоорун добушка койбой алып салууну сунуштады. Төрага да ага макул болуп жаткан.
Бирок Түлөбаев отурган жеринен кыйкырып, президенттин өкүлүнө нааразы болду.
"Эмне "Бүтүн Кыргызстандын" эки депутаты киши, калганыбыз киши эмеспизби. Уят болот мындай. Баарыбызды сындырасыз. Мындан ары мыйзам долбоорлорун алып келбегиле анда", — деп ордунан туруп, ноутбугун жаап чыгып кетип калды.
Натыйжада талашка түшкөн мыйзам долбооруна добуш берүү маселесин аягында чече турган болушту.
Булак: NazarNews.kg
< Предыдущий
Следующий >
Последние новости
