Эки грек окумуштуусу жакында Грецияда күчү 8,5 баллга жеткен жер титирөө болорун айтышкан. Профессорлор Константинос Синолакис менен Костас Папазакос Түркия менен Сириядагы бир катар жер титирөөлөргө жана Грециядагы сейсмикалык активдүүлүктүн тарыхына баа бергенден кийин ушундай жыйынтыкка келишти. Бул тууралуу жергиликтүү “Ta Nea” басылмасы билдирди.

Синолакистин айтымында, Грецияда 600 жылда бир жолу күчтүү жер титирөөлөр болот.

«Криттеги эң акыркы жер титирөө 1403-жылы болгон жана менин эсебим боюнча мындай жер титирөөлөр 600-800 жылда бир болуп турат. «Биз Рихтер шкаласы боюнча 8,5 баллга жеткен жер титирөөнүн алдында турабыз», - дейт окумуштуу.

Окумуштуунун сөзүн анын кесиптеши, Салоникидеги Аристотель университетинин сейсмология боюнча профессору Костас Папазакос тастыктады. Ал ошондой эле Грециядагы жер титирөөлөрдүн мезгилдүүлүгүн белгилеп, бирок кеңири маалымат берген жок. Кийинки кырсыктын так убактысын алдын ала айтуу мүмкүн эмес.

Эки илимпоз тең алардын алдын ала айткандары божомол катары кабыл алынбашы керек деген пикирге келишти. Тескерисинче, бул калкты мүмкүн болгон көйгөйлөргө даярдоого убакыт табуу үчүн өкмөт көңүл бурушу керек деген эскертүү.

Эскерте кетсек, 6-февралда Түркияда күчү 7 баллдан ашкан эки жер титирөө (жергиликтүү убакыт боюнча саат 04:17де – 7,7 жана 13:24 – 7,6) катталган.

Президент Режеп Тайып Эрдоган Түркияда табигый кырсыктын курмандыктарына жети күндүк улуттук аза күтүү жарыялады. Түркиянын улуттук желектери өлкө боюнча ылдый түшүрүлдү.

Сахиба Мамадиёрова, Ташкент

Булак: NazarNews.kg