Бүгүн, 21-майда Жогорку Кеңештин жыйынында депутаттар башкы прокурор Өткүрбек Жамшитовдун былтыркы жылга карата отчетун талкуулап жатышат.  Талкуу учурунда депутат Ырыскелди Момбеков “КТ мобайл”  компаниясынын маселеси эмнеге чечилбей жатканын сурады. Ал эми ага жооп катары Өткүрбек Жамшитов төмөнкүчө жооп берди:

"Ырыскелди Чыныбекович, сиздин фактыларыңызды түшүнүп жатам. Сиз да фактылар менен берсеңиз! Айтып коюш оңой "ушунча миллион, ушунча миллион мамлекетке зыян келди" деп. Анын баарын тактап чыгалы. Ошон үчүн тергөө болуп жатат. Эгерде сиздики далилденсе ошону барып жоопко тарталы. Бизди атайын эле бекитип чыгарбагандай эле айтып жатасыз. Биз деле балдарды алып иштеп жатабыз", - деди Жамшитов.

Булак: NazarNews.org