Кыргызстандыктар Бажы кызматын төртүнчү жыл катары менен эң коррупциялашкан мекеме деп атады. 2019-жылдын экинчи жарымындагы жүргүзүлгөн сурамжылоонун жыйынтыгын Улуттук статистикалык комитети чыгарды.

Бажы кызматынан сырткары алдыңкы бешилтикке Саламаттыкты сактоо министрлиги, Жаза аткаруу мамлекеттик кызматы, Бишкек, Ош шаарларынын мэриясы жана Курулуш, архитектура жана коммуналдык чарба мамлекеттик агенттиги (Госстрой) кирген. 

Ал эми коррупция эң аз мамлекеттик мекеме катары жарандар ӨКМ, Жергиликтүү өзүн өзү башкаруу органы жана Монополияга каршы мамлекеттик агенттигин аташкан.

Сурамжылоого 18 жаштан 75 жашка чейинки катышып, республиканын 7 облусунда жүргүзүлгөн. Ага жалпысынан 3 миң 600 киши катышкан. 

Булак: NazarNews.kg