Депутат Эльвира Сурабалдиева бет капсыз жана салык кызматынын маалым катысыз жүргөн элге айып пул салууну “маразм” деп атады. Мындай оюн ал социалдык баракчасында билдирди.

“Мэрге чалып байланыша албай койдум. Бирок өкмөт менен президенттик аппараттагы жоопкер адамдарга мындай кадамдар ачка жана жинденген элдин толкундоолоруна алып келиши мүмкүн экенин айттым. Бул маразмдын жокко чыгышын комитетте талап кылам”,- деп жазган ал.

Эске салсак, кечээ, 11-майда Бишкек шаарынын мэри Азиз Суракматов бет кап кийбеген шаар тургундарына 1000 сомдон 5 миңге чейин айып пул салынаарын маалымдаган.

Булак: NazarNews.org