Кечээ Бишкек медициналык колледжинде кыргыз тилинин кабыл алынгандыгынын 34 жылдыгына арналган салтанат болуп өттү. Студенттердин жардамы менен концерт коюлуп, ага БМКнын жалпы жамааты жана студенттер катышты. Уюштуруучулардын айтымында, колледж жетекчилигинин жалпы милдети – алгылыктуу тенденцияларды колдоо жана мамлекеттик тилдин кеңири жайылышына көмөк көрсөтүү. Тил байланыш каражаты катары элдерди жакындатып, достукту бекемдейт. Мамлекеттик тилди өнүктүрүүнүн Улуттук программасы дал ушул маселени чечүүгө багытталган. Малекеттик тилдин юридикалык негиздери өлкөнүн Негизги Мыйзамында белгиленген.