Бишкекте суунун өчүрүлүшүнө нааразы болгон жарандар жакында көчөгө чыгат. Бул тууралуу депутат Дастан Бекешев бүгүн, 7-июнда Жогорку Кеңештин жыйынында билдирди.

Анын айтымында, ал бул маселени бир нече жолу көтөргөн, бирок борбор калаанын мэриясы да, министрлер кабинети да эч кандай чара көрбөй, маалымат бербей жатышат.

«Жакында эл көчөгө чыгып, бизге келишет», - деп белгиледи депутат жана парламенттин жыйынына мэриянын жана министрлер кабинетинин өкүлдөрүн чакырууну сунуштады.

Анын демилгесине Улан Примов менен Максат Сарбагышев макул болушту.

Булак: NazarNews.kg