Улуу Британиянын премьер-министри Борис Жонсон маалымат жыйынында коронавирус менен жабыркагандан кийин көзү жакшы көрбөй жатканын билдирди.

Жонсон биринчи жолу көз айнек колдонуп атканын айтып, ал муну коронавирус илдети менен байланыштырды.

Белгилей кетсек, Британиянын өкмөт башчысы 27-мартта коронавирус жуктуруп алгандыгын жана карантинге алынгандыгын жарыялаган. Анын денеси ысып, жөтөлү басылгандан кийин, 5-апрелде дарыгердин сунушу менен ооруканага жаткырылган. 

Премьер-министр 12-апрелде ооруканадан бошотулуп, 27-апрелде кызматына кайтып келген.

Булак: NazarNews.kg