Саламаттыкты сактоо министринин милдетин аткаруучу Жаркынбек Касымбеков буйрукка кол койду, ага ылайык, медициналык адистиктер окутулган жогорку окуу жайлары жабылбайт. Бул тууралуу ал 24.kg агенттигине билдирди.

Маалыматка ылайык, 2022-жылдын 30-мартындагы №6 форманы алып салуу жөнүндө Алымкадыр Бейшеналиев кол койгон № 398 буйругу күчүн жоготту деп белгиледи Касымбеков.

"Комиссиянын корутундусунда Саламаттыкты сактоо министрлигинин №6 форманы жокко чыгарууга жана жалпысынан ЖОЖдорду текшерүүгө укугу жок экени аныкталган, анткени бул Билим берүү министрлиги тарабынан берилген лицензиялардын ажырагыс бөлүгү. Азыр бул окуу жайларды кайра текшерүүгө укугубуз жок”, - дейт Жаркынбек Касымбеков.

Ал белгилегендей, билим берүү мекемелери абитуриенттерди кабыл алуунун планын Билим берүү министрлиги менен алардын катышуусуз эле пландай алат.

"Ошону менен бирге ведомстволор аралык комиссия ишин улантууда, ченемдик укуктук актыларды инвентаризациялоо жүрүп жатат. "Комиссиянын ишинин аягына чейин биз №6 форманы чыгарууну токтоттук. Келечекте, жылдын аягына чейин түшүнбөстүктөрдү университеттердин, студенттердин жана коомчулуктун кыжырдануусун болтурбоо үчүн эрежелерди түшүнүктүү, ачык жана эң жакшысы онлайн кылууну пландап жатабыз", - деп кошумчалады Саламаттыкты сактоо министринин милдетин аткаруучу Жаркынбек Касымбеков.

"Учурда абитуриенттер медициналык ЖОЖдорго оңой эле тапшыра алышат. Бирок ведомстволор аралык комиссиянын ишинин жыйынтыгы менен №6 форма боюнча маселеге кайра кайрылабыз, баары ачык, түшүнүктүү, айкын болот. Эгерде ЖОЖдор талапка жооп берсе, иштешет, ал эми клиникалык базасы жок болсо, анда маселе каралат», - дейт Каымбеков.

№6 форма университеттин клиникалык базасы минималдуу талаптарга жооп берерин көрсөтөт. Бланк Саламаттык сактоо министрлиги тарабынан, ал эми окуу жайына лицензия Билим берүү министрлиги тарабынан берилет.

Булак: NazarNews.kg