www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

Ноокат, Свердлов жана Ысык-Көл шайлоо округдары боюнча Жогорку Кеңештин депутаттарын мөөнөтүнөн мурда шайлоодо добуш берүүнүн алдын ала жыйынтыктары боюнча, саат 20:40ка карата 175 участоктун 173үнөн, башка айтканда 98,8%ынын автоматтык эсептөөчү урналарынан маалыматтар келип түштү.

Бардык шайлоо участкаларында добуштарды милдеттүү түрдө кол менен саноо жүргүзүлөт. Анын негизинде жалпы округ боюнча добуш берүүнүн жыйынтыктары чыгарылат.

БШК билдиргендей, №5 Ноокат округундагы 91 миң 57 шайлоочунун 25 миң 611и же 28,13%ы добуш берди.

Ал эми №29 Свердлов округунун 122 миң 975инин 16 миң 424 шайлоочусу же 13,36%ы катышты. №36 Ысык-Көл округу боюнча 97 миң 331 шайлоочунун 21 миң 807си же 22,40%ы добушун берди.

Ноокаттан Марипов Бакытбек Асамидинович 11 миң 523 же шайлоочулардын 44,99%ынын добушун алып, атаандаштарынан алдыга чыкты.

Ысык-Көл округу боюнча Тыналиев Айжигит Казакбаевич 3498 шайлоочунун (16,04%) добушуна ээ болду.

Свердлов районунан Салымбеков Жумабек Мамытбаевичке 10 миң 611 шайлоочу добушун берди. Бул 64,61%ды түздү.

Последние новости