Милиция Алай районунда үч жашар баланын сабалышы боюнча ишти териштирип жатат.

Ош облустук ички иштер башкармалыгынын басма сөз кызматы билдиргендей, 27-июнь күнү саат 09:00дө Сары-Могол айылынан 3 жашар бала денесинен жаракат алып, аймактык ооруканага түшкөн.

Бул факты маалымат журналына катталып, текшерүү иштери башталган.

Бала 40 жаштагы И.Н. жана 33 жаштагы Р.А. аттуу жакындары менен жашаганы аныкталган. Анын апасы 22 жаштагы Р.Ж. - эжеси Р.А. 2022-жылдын 6-мартында аларга 3 жаштагы Н.ны таштап кетип, андан кийин байланышка чыккан эмес.

Туугандары баланы маал-маалы менен ур-токмокко алып турушкан. Таэжеси 24-июнь күнү да сабап, бала ар кандай жаракаттарды алган. Маалым болгондой, ал жолдошу экөө баланы ооруканага алып барышкан эмес.

Милиция жубайлар бир жума мурун жаңы жашаган жерине көчүп кетишкенин, балага орой мамиле жасалып жатканын байкаган кошуналар социалдык кызматка кайрылышканын билдирген. Окуя болгон жерге келген социалдык кызматкерлер баланы кароодон кийин анын денесинде көгөргөн тактарды, башынан жаракаттарды жана сыйрылгандарды табышкан. Бала ооруканага жеткирилип, андан кийин социалдык коргоого алынган.

Учурда баланын документтери такталууда. Соттук-медициналык экспертиза дайындалып, андан соң жакындарынын аракетине юридикалык баа берилет.

Өз кезегинде "Балдардын укугун коргоочулар" лигасынын жетекчиси Назгүл Турдубекова акыйкатчы Атыр Абдрахматовага кайрылып, иликтөө жүргүзүп, окуяга укуктук баа берүүнү өтүндү.

«Биздин балдар мамлекет тарабынан реалдуу колдоого жана коргоого муктаж, анткени ар бир төртүнчү үй-бүлөдө акчанын жетишсиздигинен чет өлкөгө же үйүнө иштегени кеткен мигрант же жалгыз бой энелердин балдары бар. Эгерде Кыргызстандын президенти балдар Кодексинин жаңы редакциясына кол койсо, бул бала тууралуу конкреттүү айта турган болсок, балдардын жашоосу кандай өзгөрмөк», — деп жазган укук коргоочу.

Булак: NazarNews.kg