ЧВК «Вагнер» аскер бөлүгүнүн 3 согушкери кармалды

Журналист: АЙСУЛУУ ТАЛАНТ

13.05.2023, 20:10

22510

дүйнө жүзүндө

Россиянын Волгоград областынан ЧВК «Вагнер» аскер бөлүгүнүн 3 согушкери полиция кызматкерлери тарабынан кармалды. Алар Октябрьск кыштагындагы дүкөндү өздөрүнө каттатып берүү талабы менен дүкөн кожоюнун сабашкан. Полиция кызматкерлеринин айтымында аталган кылмыш боюнча кармалышкан 3 эркек буга чейин кылмыш жообуна тартылып, белгилүү кампаниянын аркасында ЧВК «Вагнер»дин курамында Украинадагы согушка катышышкан.

Кылмышкерлери дүкөндүн ээсин сабап, өлтүрөбүз деп коркутушуп, ВАЗ-2114 автоунаасын өздөрүнө каттатып алышып, кожоюндун алтындарын жана 155 000 рублин тартып алышып, из жашырышкан.

Дүкөндүн кожоюну учурда ооруканада, ал эми «согушкерлер» абакка киргизилди. Белгилүү болгондой кармалган 3 кылмышкер тең мурда бир нече жолу соттолушкан.

Ушул жылдын март айында ЧВК «Вагнердин» кожоюну Евгений Пригожин белгилегендей «5 миңден ашуун түрмөчүлөр Украинадагы согушка өз эрктери менен катышып келишкендиги үчүн ырайым алышкан.» Алар кылмыш кылбай калышкандыгын башкы «вагнерчи» Пригожин ишенимдүү айткандай болду эле.

Булак: NazarNews.kg