www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

COVID-19: Түркмөнстанда карантиндик чектөөлөр жумшартылууда

Түркмөнстанда 1-апрелден тарта коронавируска байланыштуу киргизилген карантиндик чектөөлөр жумшартылууда.

Бир жылдык тыныгуудан кийин өлкө ичиндеги темир жол жана автобус каттамдары калыбына келтирилди. Жүргүнчүлөр билетти COVID-19 жок экенин ырастаган маалымкат көрсөтүп ала алышат.

Мындан тышкары калктын өлкө ичиндеги жүрүүсүнө киргизилген чектөөлөр да алынды. Буга чейин бир аймактан экинчи аймакка барууну каалаган жарандардан наркологиялык, психиатриалдык жана кургак учук диспансерлеринен, жергиликтүү полиция бөлүмүнөн алынган маалымкаттар, ошондой эле жүйөлүү себеп талап кылынган.

1-апрелден тарта өлкөдөгү мейманканалар да кардарларды кабыл ала башташты. Алардан коронавирус жок экенин ырастаган тесттин жыйынтыктары гана талап кылынат. Тесттин баасы 102 манатты (расмий курс боюнча 29,1 доллар) түзөт.

Өлкөдө коронавирус жуктургандар жок экенин билдирип келген түркмөн өкмөтү былтыр чектөөлөрдүн эмне себептен киргизилип жатканын расмий түшүндүргөн эмес. Эми чектөөлөрдүн алынышы боюнча да эч кандай маалымат тараткан жок.

Чектөөлөрдүн алынышы менен катар өлкөдө калкы коронавируска каршы эмдөө иштери уланып, карантиндик жайлар кеңейтилип, жаңылары ачылууда.

Булак: NazarNews.kg

Последние новости