Жогорку Кеңештин депутаты Дастан Жумабеков Швейцария менен Нидерланды өлкөсүндө орун алган курандын өрттөлүшү боюнча зээни кейип жатканын айтып билдирүү жасады.

Салаарга куш, кылаарга иш жок, ички саясатты кыйратып койгонсуп, башка өлкөдөгү окуяга баа берип, анын үнүн угуп, айтканын аткарчудай "аталган өлкөлөрдүн тиешелүү укук коргоо органдары чара көрөт деп ишенем", - деп койгонучу. 

Эл аралык саясатты коё туруп, мен киммин, ким болдум деп деңгээл, дареметине бир көз салып алып, сүйлөсө болмок экен. Бирөөлөр түртмөлөп шыкактап койсо эле, алына карабай ааламдагы окуяга баа берип, тиши өтпөгөн эл аралык укук маселеине жармашпай.

Булак: NazarNews.kg