Бүгүн, 9-март күнү Жогорку Кеңештин кезектеги жыйынында депутат Надира Нарматова Социалдык фонддун төрагасы Бахтияр Алиевге: "Майыптыгы бар жарандарды жыл сайын медициналык кароодон өткөрө бербей, бир жолу кароодон өткөндөн кийин пенсия бере тургандай кылып койсоңор болбойбу", - деп суроо берди.

Депутаттын суроосуна Алиев “1-топтогу майыптыгы бар жарандар жылда медициналык кароодон өтпөйт. Бирок, 2-3-топтогулар комиссиядан өтүп туруусу керек. Бул чечимди медициналык кароо уюмдары чыгарышкан” – деп жооп берди.

Белгилей кетсек, майыптуулугу бар жарандар ар жыл сайын медициналык кароодон өтүү үчүн акча беришкенин айтып келишет. Айрымдары 2-группадан 1-группага же биротоло пенсияга чыгуу үчүн сөзсүз акча берерин, антпесе алып жаткан акчасынан куру калышы мүмкүн экенин  ачык айтпаса да, тар чөйрөдө сөз кылып келишет.

Булак: NazarNews.kg