Улуу Британиянын жашоочусу Саймон Холдер 30 жашка толуп, юбилейин белгилеп жатканда досторунун тамашасынан улам көз жумду. Бул тууралуу чет элдик басылмалар жазып чыкты. 

Саймон өзүнүн туулган күнүн катерде достору менен спирт ичимдигин ичип белгилегиси келген. Майрамдап жаткан учурда анын мас болгон достору туулган күн ээсин сууга түртүп жиберишет. Британиялык жаран суудан чыгып, катерге олтурайын дегенде катердин винтине (бурамасына) илинип калат. Көп кан жоготкон жигит ооруканада көз жумган.

Полиция иликтөө иштеринин жүрүшүндө адам кокустан каза болду деген тыянакка келишкен.

_{Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.}

Булак: NazarNews.kg