Жон Хопкинс атындагы университеттин Системалуу изилдөө жана инжиниринг борборунун маалыматына караганда, дүйнөдө коронавирус жуктуруп алгандардын саны жети миллиондон ашты.

Вирус жуктуруп алгандар боюнча алдыңкы орунда дагы деле АКШ турат. Кошмо Штаттарда 1 941 978 киши коронавируска кабылып, 110 миңден ашуун бейтап көз жумду. Экинчи орунда Бразилия (жуктургандар - 691 958, каза болгондор - 36 455), үчүнчүдө Россия (жуктургандар - 467 073, каза болгондор - 5851) турат.

Ал эми дүйнө жүзү боюнча, 402 миңден ашуун адам COVID-19 илдетинен каза болду. 3 133 664 киши  оорудан сакайып кетти.

Булак: NazarNews.kg