"Россиянын жарандыгын алган туугандар шайлоо укугуңарды активдүү пайдалангыла" дейт саясатчы Дүйшөн Чотонов.  

--"Кыргызстан жана башка Орто Азия өлкөлөрүнүн миллиондогон жарандары Россиянын жарандыгын алып, шайлоо укугуна ээ болушкан. Алар өз Ата мекендери менен байланышын үзө элек. Алар биздин Лобби. Алар биздин күчүбүз.

Мен Орто Азия өлкөлөрүнөн Россияга мигрант болуп барып, жарандыгын алып, туруктуу болуп жашап калган шайлоочуларга кайрылам. Туугандар! Өз саясий укугуңарды, шайоо укугуңарды активдүү пайдалангыла.

Жакында боло турган Россиядагы шайлоодо улутчул, популист болуп, көп улуттуу элдердин ортосуна жик салган күчтөргө каршы добуш бериңиздер!", - дейт саясатчы. 

Булак: NazarNews.kg