Мындан бир жыл мурун, тагыраак айтканда 2018-жылдын 15-октябрында “Ошэлектр” жана Ош шаардык жылуулук менен камсыздоо ишканаларынын жумушчусу Замир Кыдыров кышка даярдык иштеринин алкагында электр жабдыктарын оңдоп жатып кырсыктаган. Кырсыктын кесепетинен Кыдыровдун эки колунун чыканагынан ылдый жагы кесилген. 

Замир Кыдыров – үй-бүлөлүү, үч кыздын атасы. Жашоо шарты бир аз начар, бүтө элек үйдө жашашат. Карыган ата-энеси бар.

Эки колунан айрылган электрик Замир Кыдыровдун жубайы Жыпаргүл Асылбеквонанын атына эсеп ачылды. Эгер жардам берем дегендер болсо аталган эсепке акча которсоңуздар болот.

Булак: NazarNews.kg