Нью-Йорк шаарынын бийлиги эмдөөдөн баш тартканы үчүн 3000 жумушчуну жумуштан кетирүүдө. Бул тууралуу UNN агенттиги New York Times басылмасына таянуу менен билдирди.

АКШнын кээ бир штаттары беткап кийүүнү жана башка чектөөлөрдү алып салууну пландап жатышат. Бирок, көпчүлүк штаттар Omicron штаммынын жайылуу коркунучу жогору болгондуктан дагы эле катуу көзөмөлдө турат.

Маалыматка караганда, Нью-Йорк шаарында жума күнү коронавируска каршы эмдөөдөн баш тарткандыгы үчүн 3000ге чейин муниципалдык кызматкерлердин жумуштан бошотулушу күтүлүүдө. Шаардык мэриянын маалыматы боюнча, бул көрсөткүч шаардын жумушчу күчүнүн 1 пайызынан азын түзөт, бирок бул өлкөдөгү вакцинанын милдеттүү түрдө колдонулуусунан улам кыскартылып жаткан эң чоң жумуш оруну болуп саналат.

Сөз полиция кызматкерлери, өрт өчүргүчтөр жана мугалимдер сыяктуу шаардык кызматкерлер жөнүндө болуп жатат жана буга чейин бул кызматкерлердин көбү жума күнгө чейин вакцинанын жок дегенде бир дозасын алышы керектиги эскертилген.

Дүйшөмбү күнү Нью-Йорктун жумушчуларынын тобу эмдөөгө каршылык билдирип, Бруклин көпүрөсү аркылуу нааразылык акциясына чыгышкан. Кээ бир жумушчулар ар кандай кыскартууларга каршы сотко кайрылышарын билдиришкен.

Ал эми АКШнын Сан-Франциско, Вашингтон жана Массачусетс сыяктуу башка шаарларындав жүздөгөн жумушчулар эмдөөдөн баш тарткандыктары  үчүн жумушсуз калышкан.

Булак: NazarNews.kg