www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Президент Садыр Жапаров кызматкерлерди гендердик басмырлоодон, зомбулуктан жана сексуалдык ыдык көрсөтүүдөн коргоону күчөткөн мыйзамга кол койду.
Документ менен бир катар мыйзам актыларына өзгөртүүлөр киргизилди.
Жаңы талаптарга ылайык, жумуш берүүчүлөргө бош жумуш орундарын жарыялоодо «аялдар үчүн» же «эркектер үчүн» деген чектөөлөрдү көрсөтүүгө тыюу салынды.
Мындай талап кызматтын өзгөчөлүгүнө байланыштуу белгилүү бир жыныстагы адам гана аткара ала турган учурларда гана колдонулат.
Ошондой эле жумушка кабыл алуу учурунда талапкердин кесиптик жөндөмүнө тиешеси жок жеке маалыматтарды талап кылууга жол берилбейт.
Тактап айтканда, иш берүүчүлөр талапкердин үй-бүлөлүк абалы, балдарынын бар же жоктугу, кош бойлуулукту пландап жатканы же жакындарына кам көрүү милдеттери тууралуу суроо бере албайт.
Мыйзамга ылайык, жарандардын тең укуктуулугун бузуп, олуттуу зыян келтирген адамдарга айып пул салуу же эркинен ажыратууга чейин жоопкерчилик каралган.
Мыйзамдын максаты — эмгек чөйрөсүндө басмырлоонун алдын алуу жана бардык жарандар үчүн бирдей мүмкүнчүлүктөрдү камсыз кылуу.
< Предыдущий
Следующий >
Последние новости
