www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
АКШнын Федералдык иликтөөлөр бюросу (ФБР) WikiLeaks сайтына Борбордук чалгын кызматынын программалары боюнча маалыматтарды берген булакты издөө иштерин баштоо ниетинде. Бул тууралуу CNN телеканалы билдирди.
The Washington Post гезитинин маалыматы боюнча учурда атайын кызматтагылар WikiLeaks убадалаган алдыдагы жарыялоолордун чыгымдарын баалоого аракет кылышууда. Азырынча бул боюнча АКШнын Борбордук чалгын кызматы менен Федералдык иликтөөлөр бюросу комментарий бере элек.
7-мартта WikiLeaks порталы Борбордук чалгын кызматынын маалыматтар базасындагы жашыруун документтердин жаңы топтомун жарыялаган. Андагы маалыматтарга караганда, америкалык чалгын АКШнын Франкфурттагы консулдугун хакердик чабуулдар үчүн алыскы база катары пайдаланып келген. Шардана кылынган документтер iPhone смартфондорунда, ошондой эле Android жана Windows операциялык системаларында иштеген смартфондордо аңдуу программалары болгонун көрсөтүүдө.
Бул WikiLeaks сайты ачылгандан берки анын жарыялаган эң ири жашыруун материалдары болушу мүмкүн.
WikiLeaks жарыялаган материалдардын анык экенин АКШнын Улуттук коопсуздук агенттигинин мурдагы кызматкери Эдвард Сноуден ырастады. Документтер шардана кылынгандан кийин Германиянын прокуратурасы Франкфурттагы хакердик база тууралуу WikiLeaksтин маалыматтарын текшере баштаганын билдирди.
Булак: "centralasian.org"
< Предыдущий
Следующий >
Последние новости
