Кыргызстандын элчилиги Газиантеп шаарынан КР жарандарынын дагы бир тобун эвакуациялады.

 Дипломатиялык өкүлчүлүктөн билдиришкендей, алты кыргызстандык Өзбекстанга атайын рейс менен Ташкентке учуп кетишкен.

Болжолдуу түндө учак Бишкек убактысы боюнча саат 19:00дө Өзбекстан Республикасынын борборунун аэропортуна конот. Ташкентке келгенде аларды Кыргызстандын Өзбекстандагы элчилигинин кызматкерлери тосуп алып, андан ары мекенине жөнөтүүгө көмөктөшөт.

Эске салсак, Түркияда жүргөн Кыргыз Республикасынын жарандары төмөнкү телефондор аркылуу байланышса болот:

- Түркиядагы элчилик (Анкара): +90 545 68 96 800, +90 312 49 13 506, + 90 312 49 13 507;

- Анталиядагы Башкы консулдук: +90 546 55 70 471, +90 534 83 88 551;

- Стамбулдагы Башкы консулдук: +90 535 10 77 212, +90 212 23 56 767, +90 212 23 53 737;

- Кыргыз Республикасынын Тышкы иштер министрлигинин Консулдук башкармалыгы:+996 999 31 20 02.

6-февралда Түркияда күчү 7,8 жана 7,7 баллга жеткен эки жер титирөө болуп, Сириянын бир катар аймактары да жабыркады. Күндүзгү жер титирөөлөр Ливан, Ирак, Египет, Греция, Кипр жана Израилде да сезилди. Бул Түркияда 1939-жылдан берки эң чоң жер титирөө болду. Өлкөдө 12-февралга чейин аза күтүү жарыяланды. Түркия элчилиги гуманитардык жардам чогултулганын жарыялады. Кыргызстан Түркияга куткаруучулар тобун жөнөттү.

9-февраль күнү эртең менен Түркия менен Сирияда 15 миңге жакын адам набыт болгону белгилүү болду.

Булак: NazarNews.kg