www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
ГЭС-5 көлүнүн аймагында өспүрүмдүн каза болушу боюнча Чүй облусунда кылмыш иши козголду. Бул тууралуу Чүй ОИИБден билдиришти.
19-июнда саат 17:58де Ысык-Ата райондук ички иштер бөлүмүнүн нөөмөт бөлүгүнө ГЭС-5 көлүнүн аймагында 15 жаштагы өспүрүм сууга чөгүп кеткендиги тууралуу маалымат келип түшкөн. Аталган факт каттоого алынып, текшерүү иштери башталган.
Алгачкы маалыматтарга ылайык, 19-июнда болжол менен саат 16:30 чамасында өспүрүм тууганы жана анын достору менен бирге эс алуу жана сууга түшүү үчүн ГЭС-5 көлүнө барган. Сууга түшкөндөн 10-15 мүнөт өткөндөн кийин өспүрүм жоголуп кеткен. Жерине куткаруучулар чакырылып, болжол менен бир сааттан кийин анын жансыз денеси жээктен 10 метр аралыкта табылган.
Окуянын бардык жагдайларын ар тараптуу иликтөө максатында, Кылмыш-жаза кодексинин 297-беренеси (керектөөчүлөр үчүн кооптуу шарттарды түзүү) боюнча кылмыш иши козголду.
Соттук-медициналык экспертиза дайындалды. Тергөө иштери улантылууда, анын жыйынтыгында процессуалдык чечим кабыл алынат.
< Предыдущий
Следующий >
Последние новости
