Түркмөнстан ИИМинде учурда аттестация өтүүдө. "Азаттыктын" түркмөн кызматы кабарлагандай, талаптардын бири кызматкерлердин салмагына байланыштуу. Полиция кызматкерлери билдиргендей, укук коргоочулардын салмагы 100 килограммдан ашпоосу керек. "Оозеки көрсөтмөгө караганда, 25-декабрга чейин арыктай албагандар, чинине карабай кызматтан кетүү боюнча арыз жазууга аргасыз болору тууралуу бардык полиция бөлүмдөрүнө эскертүү берилген", - деди "Азаттыктын" кабарчысы.

Учурда жергиликтүү полиция кызматкерлери дене тарбия машыгуулары менен алектенишүүдө. Бизге да ушундай аттестация керек. Биздикилерди арыктатып гана тим болбостон, ыкчам чара көрүү, бычака же башка куралга каршы туруу сыяктуу көнүгүүлөрдү үйрөтүш керек. Болбосо кечээ жакында эле көрбөдүкпү. Чакалайдын чак түшүндө ыркыйган, бычак көтөргөн бир адамды кармаша албай уят болушту.

Булак: "Факты.kg"