Президенттикке талапкер Канат Исаев шайлоо жарышына формалдуу түрдө гана катышат, чын-чынына келгенде ал реалдуу күрөштөн баш тартты. Мындай пикирин КТРКнын мурунку башкы директору Илим Карыпбеков билдирди.

“Исаев өзүнүн PR командасынын негизги бөлүгүн таркатып, жарнама агенттиктери менен келишимди бузду. Демек ал жарышка формалдуу түрдө гана катышат. “Кимдир бирөөлөр” Исаевге басым жасоочу рычаг тапкан өңдүү. Дагы бир талапкерден кол жуудук”, - деп жазган Карыпбеков өзүнүн Твиттер-аккаунтунда.

Исаев расформировал основную часть своей PR команды, расторг договора с рекламными агентствами. Это означает что будет участвовать в гонке формально. Похоже на него нашли рычаги воздействия. Считай минус ещё один кандидат.

— ilim karypbekov (@ilimkm) December 20, 2020

Эске сала кетсек, Кыргызстанда кезексиз президенттик шайлоого чейин үгүт иштери жүрүп жатат. Жаңы президент үчүн добуш берүү 10-январга белгиленген. 18 киши президенттикке талапкер болуп катталды.

Канат Исаев президенттикке талапкерлердин бири. Ал Кыргызстан партиясынын лидери. 2017-жылы Исаев дагы президенттик шайлоого катышкан, бирок кийинчерээк Өмүрбек Бабановду колдоп, талапкерлигин жарыштан алып салган.

_{Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.}

Булак: NazarNews.kg